La realtà dea vita

In principio el signor gà crea el mondo con tutte le bestie selvadeghe.
Par primo el crea el musso e el ghe dise:
"Te sarè musso.
Te lavorarè sensa mai lamentarte,dall'alba al tramonto portando pesi su
a groppa.
Te magnarè erba,non te gavarè inteigensa e te vivarè fin 50 ani."
El musso ghe risponde:
"Sarò musso però vivare fin 50 ani se massa, damene pena 20"
e el signore disse "va ben".

Alora el crea el can e el ghe dise:
"Te sarè can.
Te difendarè la casa de l'omo e te sarè el so miliore amico.
Te magnarè queo che te darà e te vivarè 25 ani".
El can ghe risponde:
"vivare 25 ani se massa par mi, dame 10 ani che me basta".
El signore lo incontenta.

Alora el crea la simia e el ghe dise:
"Te sarè simia.
Te saltare de rama in rama fasendo la paiassa.
Te divertirè tutti e te vivarè 20 ani".
"Signore vivare 20 ani la se dura, solo 10 ani".
"Concesso", dise el signore.

Finalmente el crea l'omo e el ghe dise:
"Te sarè omo.
L'unico essere rassionale su la faccia de a tera.
Te usare l'inteligensa par comandarghe a le bestie.
Te dominarè el mondo intiero e te vivarè 20 ani".
Risponde l'omo:
"Signore sarò omo, parò vivare 20 ani me par pocheto.
Dame i 30 che el muso ga rifiutà,
i 15 che el can no ga vossuo e i 10 che la simia no ga acetà".
Cusita el signore ga fato.

Da alora l'omo vive 20 ani da omo, se sposa,
el passa 30 ani da musso lavorando e portando tuto el peso dea fameia
sue spale.
Dopo, quando i fioi va par conto suo,vive 15 ani da can,
tendendo la casa e magnando quel che ghe vien dà, par dopo rivare a
esser vecio,
ndare in pension, e vivare 10 ani da simia, saltando de casa in casa, de
fiolo in fiolo, fasendo el paiasso par divertire i nevodi.